Kamara Munisipal di Praia prisenta pa artista praiense un konjuntu di inisiativa pa djudas dinamiza sis trabadju.
Des inisiativa prisentadu sta lansamentu d´edital Jaime Figueiredo, ki ta kontisi a partir di mês d´agostu, Festival di Musika Tradisional, abertura di Skola Munisipal d´Arti, na mês di setembru i reakualifikason di sinema di Platô, na mês d´otubru.
Pa apoia atividadi d´artista, autarkia kre abri Kaza di Arteson, es mês, fera di artesanato ki ta kontisi di 2 em 2 mês na diferenti zona di sidadi, internasionalizason di artistas di Praia i konkursu d´artigu sientifiku sobri Amílcar Cabral.
Xposison munisipal d´arti, konkursu Tudu Mundu Kanta i Tudu Mundu Dansa, ki ta kontisi na mês di setembru, lansamentu di Kasa Talentu i realizason di prumeru Forum Munisipal ê kes proposta prisentadu pa Kamara Munisipal di Praia.