Sugundu Institutu di Patrimoniu Kultural – IPC, públiku ki visita na prumeru trimestri kes 11 museu tuteladu pa Ministériu di Kultura i Indústria Kriativa kontinua ta ser strangeru, ta representa 65 por sentu di rigistru, i visitanti nasional ki representa 35%
Museu di Kampu di Konsentrason di Tarrafal di Santiagu, ê museu ki mas resebi entrada di strangeru – 6 mil i 28 i pa nasional 5 mil i 456 visitanti, totaliza 11 mil 484 entrada, kuasi dobru registadu na 1º simestri di 2023 6 mil i 428 i 49% di total di valor observadu na 11 museu geridu pa IPC.
Na sugundu lugar mas visitadu sta, Museu di Mar ku 3 mil i 399 visita, undi 2 mil i 738 ê strangeru i 661 ê nasional, na triseru lugar sta Núkliu Museologiku Cesária Évora, ku 2 mil i 411 visitanti, undi 2 mil i 288 ê strangeru i 132 nasional.