Sentru Stóriku e Kultural di Porto di Kadjeta Son Miguel, ta risebi oji (27), Noti di Morna.
Iventu organizadu pa kambra di lá, é pa silebra 27 anu di kriason di munisipiu e di si santu padrueru Son Miguel Arcanjo, ki ta kumimoradu dia 29 des mês.
Objetivu di atividadi di grasa é prumovi kultura e géneru musikal, ke patrimóniu imaterial di humanidadi.
Na 4º idison di iventu sta bai kanta Darri Gonçalves, Félix Lopes, Naty Martins, TIDY Rodrigues, Yacine Rosa, Edimeia Miranda, banda Som e Luz e Repetente, Zé Rui de Pina, Ivandra Tavares, Djacy Silva, Lizy Nunes.
Inda dentu di festividadi sta prugramadu pa oji, um fera di agro-pekuaria, ku xpusison -venda di produtu di agrikultura, pekuária, artisanatu e planta ornamental.