Sankofa Editora lansa oji (08), na Praia, konkursu puétiku-literáriu Vera Duarte pa dinamiza kultura na kapital e prumovi interason entri skritor lokal.
Inisiativa ta fazi parti di silebrason di Otubru, mês didikadu pa kultura.
Konkursu ta primiti konxi novu talentu literáriu, aproxima pessoas di mundu di skrita e da oportunidadi pes divulga sis trabadju.
Konkursu, ki ta bai ti nuvembru ta konta també kum série di worshop di skria kriativu e atividade kultural, ku distaki pa roda di konversu ku skritora Vera Duarte, na bairru e liseu di Praia.
Podi partisipa pessoas a partir di 18 anu, ki ta mora na Praia, através di inviu di puema.
Vensidor ki inda ka tem um livru lansadu ta ganha oportunidadi di tem si prumeru livru iditadu pa Sankofa.
Pa kes ki dja ten livru publikadu, prémiu ta inklui imprison di 160 livru ku direitu autoral garantidu.