Montagem di palku e tendas di apoiu pa Fistival di Gambôa djá stá bem adiantadu – Fistival ta kuntisi êss fim di simana e êss idisôn tem entrada gratis.
Êss anu festa ê didikadu pa CPLP ku atuasôn di artista sima: Calema, Richie Campbell, Landrick, Nish Wadada, Cordas do Sol, Dino d`Santiago, Garry e Charbel.
Fistival ki stá orçadu na 16 mil kontu ta konta tambê ku atuasôn di Batchart, Mito, Ga da Lomba, Nissah Barbosa, Nitry e WTS.
Na spasu didikadu pa Gamboinha stá programadu animasôn ku palhaço, circo, pintura facial, djogu tradisiunal, brinkedu insuflável e Banda Gamal.
E kenha ki ta atua na Gambôa Jovem ê banda Crack Brain, Kandjolado, Marcos Fonseca, Banda Bons Amigos, Va Bula, Osmar Band, Ellah Barbosa, Silvia Medina, Grace Fernandes, Xiomara Semedo, Primitive Band e Rubera Roots Band.
Fistival di Gambôa ki ês anu ta silêbra si vigésimu sextu idisôn ta omenagia sidadi di Praia – ki kompleta êss anu 160 anu d’ilevasôn a katiguria di sidadi.