Seleson nasiunal di futebol perdi ku Botswana pa 1- 0 na djogu di 3º jornada di kualifikason pa Kampionatu Afrikanu di Nason (CAN 2025).
Avansadu Orebonye marka golu di vitória di ikipa adversáriu, na doz minutu di djogu, ki kuntisi na Stádiu Nasiunal.
Keli é sugundu bez ki Kabu Verdi sta perdi na djogu di fazi di kualifikason. Prumeru dirrota foi ku Egipto na djogu di 1º jornada pa 3-0.
Tubaron Azul manti ku tres pontu, mesmu ki Botswana e mauritânea. Egipto sta lidera grupu C ku sais pontu.
Dia 15 des mês, Botswana ta risebi Kabu Verdi pa djogu di 4º jornada, markadu pa meiu dia di li, na stádiu Odeb Chilume na Francistown.