Osvaldo Osório pseudónimu di Osvaldo Alcântara Medina Custódio morri oji (31), na Praia.
Puéta, prosador, romansista kabu-verdianu di 87 anu distaka pa si produson literáriu: Caboverdeamadamente construção meu amor, Os loucos Poemas de Amor e Outras Estações Inacabadas, Clar(a) idade Assombrada, Cântico do Habitante e pesa di teatru Gervásio.
Na 2016 ê lansa si pruméru romansi – As ilhas do meio do mundo.
Tiresias é si mas ressenti livru– um kuletânia di poema ki títulu ê baziadu na personagem di mitulogia gregu – Tirésias – famosu profeta segu, konsidradu maior e um di kês más notável adivinhu di mitulogia gregu.
Fundadôr di Rivista Seló djá kustuma omenagiadu pa Akademia Kabu-verdiana di Letras e ê kondekoradu ku midalha di méritu di 1º grau pa Guvérnu.
Osvaldo Osório també é autor di músika Tema Para Dois, interpretadu pa konjuntu Os Tubarões, kompodu pa êl djuntu ku Zeca Couto.