Basketbol: Ónti kabu-verdianu Edy Walter Tavares gánha kampiôn oropeu pa Real Madrid – na final ikipa di Big Edy gánha Fenerbahçe pa 85-80.
Giganti di ilha di Maio di 2 metru e 21 txiga ikipa spanhól na inisiu di temporada e keli ê 10º bez ki ikipa di Real Madrid stá konkista kampiunatu.
Taça di Purtugal: Ónti tambê kabu-verdianu Carlos Ponck konkista Taça pa Disportivu di Aves – na final kontra Sporting ikipa di kabu-verdianu gánha pa 2 – 1.
Keli ê pruméru bez ki Disportivu di Aves stá konkista taça e 12º bez kê stá skapa Sporting na final.
Kampiôn na México: Djaniny Semedo gánha kampiôn di Liga Clausura, na México, pa Santos Laguna.
ikipa impata ku Toluca na 2º mon di final e ê benificia di resultadu pamodi na djogu anterior ê gánhaba pa 2 – 1.
Djaniny tambê konkista prémiu di midjôr markadôr di kampiunatu.
Kampiôn na Turkia: Galatasaray di kabu-verdianu Garry Rodrigues gánha kampiunatu nasiunal di Turquia.
Extremu kabu-verdianu di 27 anu ki txiga ikipa turku na temporada passadu marka 10 gôlu na 40 djogu.