Seleson di Kabu Verdi di Basketbol maskulinu ta viaja oji pa Tripoli, na Líbia, pa disputa triseru e última janela di apuramentu pa Afrobasket 2025.
D’akordu ku Federason Kabu-verdiana di Basketbol, djogu, di grupu B di kualifikason, ta kuntisi di 21 ti 24 des mês.
Kabu Verdi ta djuga sexta fera li ku Uganda e dia 22, é ta inkontra ku Líbia. Ultimu djogu sta markadu pa dia 23 kontra Nigéria.
Seleson nasiunal komandadu pa Emanuel Trovoada é prumeru lugar di grupu ku sais pontu, si traz sta
Libia ku 5 pontu, Uganda 4 e Nigéria ku tres pontu.
Kes tres prumeru klassifikadu ta djuga na Afrobasket´2025, undi final ta kuntisi na Tunisia.