Artista kabu verdianu Soren Araújo ta prisenta, dia 26 d´abril, spetaklu “Reflexx”, un spriênsia sensorial ki ta djunta musika i imagi i ki ta mostra ma arti ê importante pa saudi mental.
D´akordu artista, keli ê konbiti pa fazi un riflexon, ki ta distaka puder d´arti na saudi mental.
Show també ta sirbi pe lansa si sugundu álbum “Yestermorrow”, ki ta djunta yesterday (onti) i tomorrow (manham). Trabadju ta bem ku 10 musika, ki ta xplora importância di sta na presenti, vivi gossi, sem fika na passado i nem fika ansiosu pa futuru.