Prova di siklismu pa komimora Festa Nhu Son Filipi tevi es anu un kaminhu, mas kumpridu ki ta sirbi di priparason pa projetu volta ilha di Fogo , pa etapa ki ta kontisi na 2026.
Es anu prova kumesa na Atalaia ô rotunda di Sumbangu – na Musteru i ê passa pa zona di norti di ilha – meta foi na Altu di Aguadinha – na sidadi di Son Filipi.
Siklista di Fogo António Gonçalves di Munisipiu di Santa katarina txiga meta na prumeru lugar, Nédio Cruz fika na sugundu lugar i Nédio Fernandes di Fogo.
Prova konta ku partisipason di 17 siklista – 7 di Fogu, 4 di Son Visenti, 2 – Son Niklau i 4 Santiagu
Na atletismo partisipa 29 atleta di prova di atletismu pa Festa di Nhu Son Filipe na Fogo.
14 ê di Fogu – undi 11 ê di Son Filipe – 2 di Musteru i 1 di Santa Katarina di Fogo. Inda partisipa 11 atleta d´ilha di Santiagu – undi 10 ta ripresenta Emicela i 1 pa titlu individual – 3 di Santanton i 1 di Brava.
Kes três prumeru lugar konkistadu pa atletas di Santanton, Ivon Fortes, William Santos i Kavikson Fortes.