Músiku kabu-verdianu Djim Job e Calú Monteiro ta silebra manhãn (26), 40 anu di karrera kum spetáklu na Merka.
Tem atuason di Zé Rui, Gerard Mendes, Chachi Carvalho, Maria de Barros, Djosinha. Belinda Lima, Djuta Barros, Africa Rainbow, Roy Job, Calú Bana e Kim Alves.
Ku 12 anu di idadi, Djim Job, ki nâsi num família di músiku têvi 1º kontatu ku músika na konjuntu Cabo Verde 75, formadu pa si tiu Armindo. Komu inda era pikinoti e ka ta podia guentaba pesu dum guitarra, sima é fla é tivi ki spera um bokadinhu.
Pa konviti di Djosinha e Nho Balta é bai toka na Contratempo e foi lá ke konxi Calú Monteiro e es kumesa ta toka djuntu. Na altura es tinha entri 15 e 16 anu.
N’anus 80 e 90 es bem kria konjuntu Jamband e riforsa mas inda sis parseria ta toka pa Cesária Évora, Mendes Brothers, Maria de Barros, Paulino Vieira, Luis Morais, Boy G Mendes, Grace Évora e Bana.