Ta kuntisi êss Sábadu na Kapital sugundu idisôn di Praia Eco Rally Pneus – um prova di kurrida di pneu.
Na kumpitisôn di 5 kilometru minins ta sai baxu ponti Vila Nova, ti retunda Lém Ferreira, passa pa Jamaica ti Txada Matu, fazi retunda e volta ti txiga baxu ponti ôtu bez.
Stá previstu partsipasôn di sérka di 50 konkurrênti ku idadi entri 15 e 45 anu d’idadi – prémius ê di 15 kontu pa 1º lugar, 10 kontu pa sugundu e 5 kontu pa tersêru.
Além di kumpitisôn pa lembra tempu, tambê stá previstu munti atividadi e jogos tradisiunal pa mininu.