Amadeu Baldé di Guiné-Bissau ê bi-kampiôn di Praia Eco Rally Pneus 2018 – ê gánha kumpitisôn pa sugundu anu konsekutivu ku témpu di 18 minutu e 36 sugundu.
Na sugundu lugar fika Jesus Pereira ku tempo di 18 minutu e 40 segundu e na tersêru fika Destelino Brito ku 18 minutu e 46 segundu.
Na kumpitisôn di 5 kilometru minins sai baxu ponti Vila Nova, ti retunda Lém Ferreira, passa pa Jamaica ti Txada Matu, fazi retunda e volta ti txiga baxu ponti ôtu bez.
Êss anu partsipasôn más di 50 konkurrênti ku idadi entri 15 e 45 anu d’idadi – prémius era di 15 kontu pa 1º lugar, 10 kontu pa sugundu e 5 kontu pa tersêru.
Além di kumpitisôn pa lembra tempu, tambê tevi munti atividadi e djogu tradisiunal pa mininu.
Novos passus di prujetu
Idealizadora di kumpitisôn,Hermem Freire, flá ma ideia go ê avança pa um eco sport de pneus ku intensôn di incentiva prática di kurrida di pneu na país komu disportu.
Ôtu objetivu ê lêba Eco Rally Pneus pa ôtus ilha sima Maio, Sal e Boa Vista.