Na djogu di kintu jornada di Kampionatu Nasiunal di Futebol, Academica di Praia ganha Palmera pa 1-0, Sanjoanense e Botafogo fika impatadu e Boavista di Praia ganha Ultramarina di Saniklau pa 3-0.
Dja Sal Rei e Paulense Impata 2-2 e djogu entri Skorpion Brumedju – Mindelense fika 3-3.
Na klassifikason geral, Boavista di Praia dja assumi lideransa ku 12 pontu, si traz sta Palmera e Sanjoanense ku 11, Paulense e Academica di Praia ku 08 pontu, Mindelense 07, Ultramarina ku 04, Sal Rei e Scorpion Brumedju 02 pontu e Botafogo ku 01.
Kes kuatu prumeru klassifikadu ta passa pa meias final e final sta markadu pa dia 21 di junho na Sonvisenti.