Mário Lúcio & The Pan African Band ta subi palku di Coliseu Club, na Purtugal, dia 5 di julhu, data ki ta silebradu aniversáriu di independensia di Kabu Verdi.
Artista kabu- verdianu sta bai prisenta si disku Independance, ki ta fazi omenagi 50 anu d’independensia d’arkipelagu.
Na spetaklu Mário Lúcio ta fazi un viagi musikal pa storia d’Áfrika, pa silebra liberdadi e heransa kultural.
Independance ë setimu album di Mário Lúcio e ta distaka pa fuson di stilu e influensia di país sima Angola, Congu, Guiné, Gana e Senegal.