Kantora kabu-verdiana Nancy Vieira foi grandi vensidora di 14º idison di Cabo Verde Music Awards ta leba pa kaza kuatu prémiu: Musika Tradisiunal di Anu ku Praia Maria, Disku di Anu ku Gente, Morna di Anu ku Dona Morna e Intérprete Fimininu di Anu ku Sol di Nha Vida.
Hélio Batalha també distaka na CVMA ta konkista prémiu di Músika di Anu, Kolaborason di Anu e Hip Hop di Anu ku músika Só Deus, ke kanta djuntu ku Paulinha.
Kantor Dieg també leba doz premiu pa kaza, di Interprete Maskulinu di Anu e Otu Ritmu di Anu ku músika Aldina.
Koladera di Anu bai pa Onde kes Bai di Fábio Ramos, premiu di Video di Anu intregadu pa Tet di Batchart. Dja músika Amizadi di Frerianas Guerreiras e Flor Speransa konsideradu Batuku di Anu.
Rislene foi Artista Rivelason di CVMA 2025, prémiu Kótxi Pó di Anu fika Ku Carina de Landa di Milito Freire, Nelson Freitas leba truféu di Afrobeat di Anu ku Night Crawler.
Nu ka sta Para di Neyna e MC Acondize risebi premiu di Músika Pupular di Anu, Funaná di Anu, Karni Salgadu di Ferro Gaita, Kizomba di Anu, Tentason di Djodje e Artista na Palku di Anu, CESF.
Próximu gala di CVMA sta markadu pa mês di junho di 2026, na Sonvisenti