Bersu D´Oru ê um di kes som ki bu ta atxa na EP Djunta Kudjer di jovem artista kabu-verdiana, Élida Almeida. Trabadju vem ku ritmu tradisional ku mustura di Pop y Latino. Bersu D´Oru bem também na verson Tabanka.
Djunta Kudjer bem ku musika també Txika, Di Mi Ku Di Bo y Zonbam ku partisipason spesial di Djodje.
Élida Almeida ê kantora y kompositora, na sis trabadju ê ta fazi sempre kiston di trazi musika di si autoria ki ta fala sobre si infânsia na Pedra Badejo, familia, sis vivênsia y sobre dia-a-dia di kabu-verdianu. Artista kumesa ta kanta ku 17 anu na igreja, dipos ê kumesa ta atua na bares, na un di sis pekeno konserto ê konxi Djô Da Silva ki fika interessadu na si manera di interpeta mornas, koladera, músika tradisional di Kabu Verdi.
Na 2014 ê lansa si prumeru disku ke txoma di Ora Dosi, Ora Margoz ki tevi produson di Hernani ALmeida. Na trabadju distaka músika Nta Konsigui, ku es trabadju ê kumesa ta fazi show dentu y fora di Kabu Verdi y ku CD ê ganha premio RFI ku es rekunhesimentu artista fazi mas di 30 show na munti país d´Afrika.
Artista partisipa també na disku di Lura Almeida Herança undi es kanta Nhu Santiago y na CD di Ceuzany na album Ilha Di Melodia ku músika Tolobaska.
Élida Almeida teni si mas novu disku na merkadu batizadu di Kebrada. Disku bem ku 12 músika na stilu Funanaá, Batuku y Koladera ku fuson ku ritmu di mundu.