Sentru Kumum di VIstu nega vistu pa Skola di Futibol di Txada Grandi Frenti (EFAG) pa partisipa na Turneiu Douro Cup2025, ki ta kuntisi di 26 ti 29 des mês, na Porto, Portugal.
Sugundu nota di skola, dipos dum anu di priparason, sforsu koletivu e txeu speransa es foi suprendidu ku rekuza di vistu.
D’akordu inda ku kumunikadu, es sigui tudu prusessu legal, pa meiu di Balkon Azul, ke kaminhu institusiunal e kurretu pa prujetu di interkambiu e mesmu assim, es foi inkaminhadu pa Plataforma E-Visa, ke difisil di fazi markason.
Pa fim, es ta dexa apelu pa entidadi kompitenti pa sta mas proximu di assusiason pmd es prisisa di apoiu, di igualdadi e di oportunidadi rial pa nos mininu e minina.
EFAG tinha um kampanha online pa djunta 330 kontu pa djudaz kubri dispesa di alojamentu, alimentason etransporti duranti sis partisipason na Douro Cup 2025.