Sileson di Santanton i Santiagu impata 1-1, Stadiu Munisipal di Portu Novu. Djogu é di sungundu jornada di Grupu B.
Ku es resultadu Santanton sa lidera grupu ku 2 pontu na 2 djogu. Maiu i Santiagu teni 1 pontu kada, ku mas un djogu pa disputa es simana.
Na triseru jornada di Grupu A ki kontisi na Stádiu Marcelo Leitao, na Sal, fika markadu ku vitória di Son Niklou 2-1 frenti di sileson di kaza, i trunfu di Son Visenti di 1-0 riba Boa Vista .
Djogu di Tasa Independênsia ta kontinua oji, ta konta pa kuarta jornada di Grupu A. Sal ta djuga ku Boa Vista, i Son Niklou ku Fogu, ta fika di fora sileson di Son Vsenti, ki sta lidera grupu di kualifikason pa meias-finais ku 7 pontu.
Kes 2 midjor sileson di kada grupu ta avansa pa meias-finais, ki ta kontisi dia 4 di júliu, li na Praia.
Final sta markadu pa dia 6 di júliu, també na kapital. Keli é désimu triseru idison di torneiu, ku Santiagu i Son Visenti ta lidera stóriku ku 5 titlu kada.