Son Visenti garanti si vaga, enkuanto Sal i Son Niklau eliminadu di kompetison.
Sal impata 2-2 ku Boa Vista na kuarta jornada di Grupu A ki kontisi na Stádiu Marcelo Leitão. Ku es resultadu Sal kaba pa fika di fora di próximu fasi. Son Niklou també iliminadu dipos di perdi pa 4-2 ku Fogu.
Ku 7 pontu, Son Visenti garanti si lugar na semi final ki ta kontisi na Santiagu. Últimu vaga di grupu A ta ser disputadu pa Fogu ki teni 5 pontu i Boa Vista ki sta ku 4 pontu na kintu jornada.
Na Grupu B sileson di Santiagu ta kontra oji, dia 1 di júliu ku ekipa di Maiu. Djogu ta kontisi na Stádiu Munisipal di Portu Novu, é triseru i última jornada di Grupu B di Tasa Independênsia.
Santanton sa lidera Grupu B ku 2 pontu i dja passa pa proximu fasi. Santiagu i Maiu teni 1 pontu kada, i es djogu ta difini sugundu vaga pa semi – final di kompitison.
Semi final ta kontisi dia 4 di júliu , na Stádiu Nasional, na Praia. Final sta markadu pa dia 6, na mesmu lugar. Keli é 13ª idison di Tasa Independênsia