Tubarões Azuis konkista ónti Troféu Cidade di Almada, na Purtugal.
Ikipa komandadu pa Rui Águas gánha prova na penalti pa 4 – 2 dipôs di impata 0 – 0 ku Andorra na tempo regulamentar.
Guarda-redes kabu-verdianu Márcio Rosa, foi grandi strela di partida: ê difêndi dôs di kês 4 penalti apontadu pa Andorra. Pa Kabu Vêrdi kenha ki marka foi: Marco Soares, Delmiro, Elzo Brito e Rodrigo.
Sexta-fêra tambê na djogu amigável ku Argélia, ki marka regresso di silesionadôr Rui Águas, Tubarões Azuis aplika ikipa um 3-2.
Na 30 minutu di djogu ikipa nasiunal sa ta perdêba pa 2 – 1 – Tubarões reagi na minutu 67 ku Ryan Mendes ta impata djogu e três minutu dipôs ikipa kabu-verdiana marka gôlu di vitória por intermédio di Júlio Tavares.