Sugundu novu tabela di presu di Agensia Reguladora multisetorial di Ikunumia (ARME), gasolina ta passa ta kusta 131,40 skudu pa litru.
Gasóliu normal subi di 108 pa 114,10 skudu /litru, gasóliu pa iletrisidadi di 92 pa 98,40 skudu/litru e gasóliu marinhu di 81 pa 86,80 skudu/litru.
Presu di pitróliu amenta di 133 pa 136,80 skudu pa litru, enkuantu fuel 380 passa di 73 pa 75,70 skudu/kg e fuel 180 di 75 pa 78,50 skudu/kg.
Dja na Gás Butano, presu pa granel subi di 128,40 pa 133 skudu/kg. Garrafa di 12,5 kg passa ta kusta 1,663 skudu, di 6 KG 798 skudu, di 3 kg 379 skudu e di 55 kg 7.317 skudu.