Kabu Verdi ta risebi di 17 ti 25 des mês, na Cidade Velha, Kampionatu Afrikanu Junior di Xadrez.
Sugundu presidenti di Federason Kabu-verdiana di Xadrez, Francisco Carapinha, iventu ta konta ku doz katiguria, um turneiu Open, abertu pa tudu partisipanti e otu xklusivamenti fimininu.
Sta konfirmadu na prova riprisentanti di Egipto, Guiné-Equatorial, Botswana, Uganda e Moçambique. Inda sta speradu konfirmason di país sima, Angola e Santomé e Príncipe.
Organizason sta spera risebi serka di 30 atleta, di ti 20 anu, inkluindu kampion junior em titlu di Egipto e otus mestri internasiunal.