Guvernu da toleransia di pontu oji di tardi pa funsionariu publiku podi bai odja djogu entri Kabu Verdi e Camarões.
Djogu markadu pa 3 ora tardi ta kuntisi na stádiu nasiunal e sugundu Fiderason Kabu- verdianu di futebol bilheti dja sta sgotadu.
Djogu entri Kabu Verdi e Camarões, é di 8º jornada e é disisivu pa lideransa di Grupu D, dja ki falta tres djogu pa fim di iliminatória pa Mundial 2026.
Kabu Verdi sta lidera grupu ku 16 pontu, logu si traz sta Camarões ku 15, dipos ta bem Libia ku 14. Angola ki sta ku 7 pontu, ta djuga ku Mauricias ku 5, dia 01 di nuvembru na Luanda.
Um impati ta manti seleson di Kabu Verdi na lideransa, ma ku dirrota é ta intrega lideransa pa Camarões.
Inda na futebol
Um grupu di imigranti kabu-verdianu, ki ta sta na Merka, luga autokarru pa pessoas bai odja djogu di oji.
Impresa Transescolar ta leba adeptus pa stadiu, a partir di 12 e meiu.
Autokarru ta panha alguem na Palmarejo, djuntu Praça Center, na Txada Santantoni, djuntu Pon Kenti, Capela e Praça di Nos, na TIra Chapeu, karru ta sta djuntu di Capela e Shell di Terra Branca, Txada Grandi Frenti, na rua di liseu e Eugenio Lima djuntu di skuadra.