Golu di Daylon Livramento kontra Camarões, dexa Kabu Verdi a um vitória di garanti prisensa stóriku na kampionatu di mundu di futebol.
Tubaron Azul ganha Camarões pa 1- 0 na djogu di 8º Jornada di Grupu D di kualifikason afrikanu pa Mundial 2026.
Ku vitória, Kabu Verdi ta kontinua na lideransa di grupu ku 19 pontu, kuatu pontu a mas di ki Camarões, ki sta ku 15 pontu.
Libia ki ganha Etswatini pa 2-0 sta na triseru lugar ku 14 pontu. Angola ku seti pontu ta djuga ku Maurícias ku 5 pontu dia 01 di nuvembru, na Luanda.
Um vitória di Kabu Verdi, kontra Líbia na Tripoli o na kaza ku Etswatini, ta garanti kualifikason stóriku pa mundial.