Na futebol maskulinu, Garrafinha di Cidade Velha foi vensidor di turneiu dipos di ganha Son Filipe pa 6-3.
Dja na fimininu, tasa di kampion fika ku Vila Nova ki ganha Minis di 2000 pa 3-2.
Alem di tasa, vensidor di turneiu risebi 30 mil skudu kada.
Na sub 14, ikipa di Dinós sai vitoriosu na djogu kontra Aliança, ta leba midalia, um kit disportivu e premiu em dinheru.
Na voleibol tevi vensidor individual e em dupla.
Na fim di prova també intregadu premiu di 20 mil skudu, 15 mil e 10 mil skudu pa 2º, 3º e 4º lugar.
Inda distinguidu midjor djugador, markador, trenador, adeptu e midjor ikipa fair play.