Seleson kabu-verdiana di andebol sénior maskulinu, sta bai Angola disputa turneiu internasiunal pa silebra 50 anu di indipendensia di país, ki ta kuntisi di 27 des mês ti 02 di otubru.
Sugundu presidenti di federason kabu-verdiana di modalidadi, Angela Almeida, konviti ta riforsa lasu entri Kabu Verdi e Angola na Disportu.
Fiderason també kre pruveta oportunidadi pa tékniku, Ljubomir Obradovic, ki dja rigressa pa seleson, kumpanha djugador internasiunal kabu-verdianu na oropa pa priparaz pa Kampionatu Afrikanu di Nason, previstu pa janeru di 2026.