Seleson di Kabu Verdi di futebol kualifika pa Kampionatu di Mundu di futebol, Mundial 2026, dipos di ganha Eswatini pa 3-0 na stádiu nasiunal, na Praia.
Na djogu di 10º e ultimu jornada di grupu D, lideradu pa Tubaron Azul, Daylon Livramento, Willy Semedo e Storia marka golu di vitória.
Kabu Verdi, é sugundu país mas pikinoti di mundu ta partisipa num mundial, dipos di 50 anu di indipendensia e di 25 anu di ter konkistadu si 1º truféu internasiunal di futebol, Tasa Amilcar Cabral.
Mundial 2026 ta kuntisi na Merka, Canadá e Mexico ku riprisentanti di 48 país.