Universidadi di Kabu Verdi sta konta gossi kum Laburatóriu di Histopatologia Digital o seja mikroskopiu digital ki ta analisa tesidu biólogiku pa identifika duensa.
Laburatóriu ta primiti publikason e asessu di dadu e informason sientifiku e médiku seguru, pa apoia privenson e diagnóstiku prekose di kankru di próstata.
Plataforma ta sirbi inda pa forma studanti, prufissiunal di saudi, médiku e investigador a toma disison basiadu na ividensia.
Inisiativa ta fazi parti di Prujetu Incubator, finansiadu pa Fundason La Caixa e Fundason Calouste Gulbenkian.