Académica di Praia foi vensidor di Gaft Cup 2025 dipos di ganha Boavista pa 2-0 na djogu di final, ki kuntisi na Stádiu 25 di Julho, na Pedra Badejo, na Santa Cruz.
Keli é 2º bez ki Académica di Praia sta ganha prova, mesmu numbru ki Varandinha ki vensi kes doz 1º idison, 1º bez foi na 2019.
Académica di Praia risebi alem di tasa di kampion, um xeki di 42 mil Skudu. Dja Boavista risebi tasa di visi-kampion e xeki di 30 mil skudu.
Semi- finalista, Estrela dos Amadores di Tarrafal, Nhagar, Santa Catarina dadu 18 mil skudu kada e kes iliminadu na fazi di grupu risebi 6 mil skudu kada.
Ómega di Academika di Praia foi konsideradu midjor djugador e markador di kompitison, undi é marka sais golo.
Premiu di midjor guarda redis bai pa Oblack, també di Academica di Praia, ki sufri so doz golu duranti prova.
Mundinho di Academica di Praia e Edvaldo Cardoso risebi premio di midjor trenador.