Rializador angulanu sta na Santiago pa pripara filmi sobri piskador kabu-verdianu.
Filmi ki txoma Aleluia, é inspiradu na stória real di omis di peska, ki fika perdidu pa munti mes na mar.
Rializador Zeze Gamboa fla me sabi di stória através dum amigu na Sonvisenti e logu surgi ideia dum guion pa filmi.
Gamboa fla inda ma ku ajuda di realizador Julio Silvão é kunsigui kontata alguns piskador ki passa pa kel aventura lá, na Pedra Badejo e Porto Moskitu.
Nomi di filmi, ta ser nomi di barku ki ta parsi na filmagi pa riprisenta fé di povu kabu-verdianu, ki na si maioria é katóliku.