Sugundu 1º ministru, Ulisses Correia e Silva, Desdi 2017, tevi 23.508 auto di vistoria ralasiunadu ku fiskalizason di kunsumu di inergia. Problema ki ta riprisenta serka di 190 mil kontu di prejuízo pa mês.
Xefi di Guvernu fala di assuntu na parlamentu, duranti dibati sobri Sustentabilidadi inergétiku: prespetiva e dsafiu pa rikonstruson dum Kabu Verdi pa nos tudu.
Ulisses Correia e Silva fla inda, ma 6.584 auto, ki stevi na prusessu di kréditu, enkaminhadu pa Ministériu Púbilku. Dez, 1510 foi julgadu, enkuantu ki 5.074 sta aguarda disison di tribunal.
Di kes ki registadu, 1102 sentensa kondenadu e 408 absolvidu. Pa 1º ministru é prisisu fazi um trabadju di sensibilizason, ma també lei ta krimina pessoas ki sta na kes situason la.
Ulisses Correia e Silva, dexa sabi inda ma perda di iletrisidadi dja diminiu, ta passa di 27,3% na 2016 pa 22,7% na 2024, ma é ta riforsa ma perda tekniku sta konsentradu na robu di luz, sobretudo na Santiago.
Sobri divida di konsumu, 1º ministru fla ma Stadu debi Electra serka di 650 mil kontu, enkunatu ki impreza di iletrisidadi tem um divida di 1,2 milion di kontu ku Stadu, risultadu di impostu kes ka intrega, sima, IRC, retensone IVA.