Kabu-verdianu Moises Rodrigues ganha ileison pa Presidenti di Kambra di Brockton, na Merka ku 6 mil 680 votu, um vantagi di 271 votu kontra si adversáriu Jean Derenoncourt, ki tevi 6 mil 420 votu.
Moises Rodrigues fika ku 50,54% di votu, enkuantu ki Jean Derenoncourt staba bem próximo, ku 48,57%.
Na ileison di onti, undi vota 13 mil 218 alguem, registadu 118 votu ka risolvidu e 224 em branku.
Ku risultadu di ileison di onti, Moises Rodrigues, di 64 anu, torna na 1º kabu-verdianu Presidenti di Kambra di Brockton, kargu ki dje tinha okupadu na 2019, dipos di morti di Bill Carpenter, ki na altura era presidenti.
Duranti kampanha é prometi midjor idukason, mas skola, um sidadi mas siguru e apoiu pa trabadjador vulnerável.
Atualmenti Brockton tem problema ku limitason na orsamentu, sistema di saniamentu, mau kondison di strada, ki tem atrasadu mudernizason di sidadi.