I.L.Y (I Love You) ê nomi di mas novu disku di kantor, kompusitor, produtor kabu-verdianu Fernando Jorge Marta Da Silva mas konxedu pa Djodje. Músika ê un komposison di propi artista y ki konta ku produson di Claúdio Ramos.

Djodje kumesa si karreira inda pikinoti na grupu TC djuntu ku si irmon Péps, si primu Ricky Boy y sis amigo Dany Petiot e Nelo, ku grupu es partisipa na prujetu Verão 2001, 2002 y 2003. Antis di grava si prumeru trabadju a solo ê partisipa també na disku Cabo Verde Les Autres di 2002 y na CD Minis di Heavy H ku músika Sexy Lady.

Jovem artista atxa músika na kaza, na si familía tem munti artista sima si pai Totó, guitarrista di konjuntu Os Tubarões. També ê fidju di Lena Marta, subrinhu di Tonecas Marta, Maiuca Marta, Eunice Marta y primu di Mário Marta y di Eneida Marta.

Ku grupu TC es lansa um CD kes txoma By TC na 2007, antis na 2006 ê lansa si prumeru disku a solo ke dá nomi di Sempri TC na mesmu anu ke partisipa na prujetu Trás Di Som. Na 2009 djuntu ku  Peps y Ricky Boy ê kria si propi editora ki Txoma Broda Music. Dipos ê grava si sugundu trabadju Check In na 2010, si triseru disku txoma Feedback, trabadju trazi susesu sima un txukinha ku partispason di ferro Gaita e Motofied Bit, Txukinha y Kriola. Artista di 28 anu sta pripara pa lansa na 2018 otu trabadju ki sa promete fazi txeu susesu.