Selesiunador nasiunal di futebol, Pedro Brito mas konxedu pa Bubista ganha premiu di Midjor Trenador Afrikanu di 2025 na CAF Awards, ki kuntisi na Marrocos.
Ku Bubista na komandu tékniku, Tubaron Azul kunsigui kualifika pa 1º bez pa mundial, na 2026 pais ta disputa prova na Merka, Mexiku e Canadá.
Entri kes finalista staba selesiunador di sub 20 di Marrocos, Mohamed Houhabi e trenador di seleson prinsipal di Marrocos, Wallid Regragui.
inda sobri CAF Awards: Marrokinu Achraf Hakimi risebi premiu di Midjor Djugador di Anu e marrokina Ghizlane Chebbak di Midjor Djugadora di Anu.
Nigeria Chiamaka Nnadozie konkista trufeu di Midjor Guarda-Redis di Anu, pa 3º bez konsekutivu, e na maskulinu, premiu bai pa Yassine Bounou di Marrocos.
Seleson sub 20 di Marrocos konsideradu Midjor di Anu e di Nigeria, Midjor Seleson Fimininu di Anu.
Pirâmes di Egipto risebi premiu di Clube di Anu e Osmar Abdulkadir di Somália leba premiu di Arbitru di Anu.