Institutu Nasiunal di Meterologia e Geofísika sta alerta ma stadu di tempu podi agrava es dia na tudu ilha.
Apartir di oji, bentu ta sopra mas forti di nordeste entri 30 e 35 kilomitru pa ora, ku rajada na ilhas ki ta fika na oeste, sima Santanton, Sonvisneti e Brava.
Mar ta sta mas agitadu, ku onda entri 2 e 4 metru di altura, ta afeta prinsipalmenti zona kostera viradu pa norte e oeste.
Privison ta xtendi ti dia 14 des mês, e sexta-fera ku sábado é kes dia ki tempu ta sta mas pior.