Dilegason di Kabu Verdi ki partisipa na 1º Djogu Palímpiku di Áfrika Osidental, trazi pa kaza 13 midalia.
País stevi riprisentadu na kompitision na modalidadi di atletismu e tiru na alvu e konkista três midalia na 100 metru, três na 200 metru e seti na prova di tiru, distribuidu na katiguria individual e mistu.
Arkipélagu trimina kompitison na triseru lugar na lista di páis mas midáliadu.
Rosimery Fonseca ganha midalia di prata na 100 metru e Heidilene Lopes e Jailson Correia risebi bronze na mesmu katiguria.
Na distansia di 200 metru, Jailson Correia e Heidilene Lopes konkista midalia di prata e Rosimery Fonseca garanti bronze.
Na tiru na alvu, dupla Cralos Araújo e Heidilene Lopes ganha midalia di prata e bronze na prova mistu.
Na prova individual, Carlos Araújo kunsigui midalia di prata e bronze, enkuantu ki Heidilene Lopes e Euclides Semedo ganha bronze.