4º gala di Premio SCM distingui autor, interpreti e produtor ki mas distaka na músika nasiunal na 2024.
Na katiguria Midjor Musika Tradisiunal e Klássika, vensidor foi Carne Salgado di Ferro Gaita. Na mesmu katiguria, Iduino foi distinguidu ku premiu di Midjor Interpreti e inda risebi truféu di Midjor Produtor.
Inda Iduino e Romeu di Lurdes konkista premiu di Midjor Autor e Midjor Kompusitor. Grupo Ferro Gaita risebi premiu di Midjor Arranjador.
Dja na katiguria Musika Urbana e Muderna, tema Ansiedadi, interpretadu pa Tony Fika foi grandi vensidor. Artista inda konkista truféu di Midjor Interpreti, Midjor Autor e Midjor Kompusitor des katiguria.
Juvandes Studio risebiu premiu di Midjor Arranjador e Mr VR distinguidu ku premiu di Midjor Produtor.
SCM distingui Ristoranti Metaló ku premiu di Utilzador Guardion Permanenti e Sigui Sabura di Utilzador Guardion Pontual.
Premiu Karrera intregadu pa musiku e kompusitor, natural di Fogo, Dany Lobo e pa Nhelas Spencer, kompusitor di Sal.