Sileson kabu-verdianu di futebol femininu ta streia, pa prumeru bez, num final di Kampionatu Afrikanu di Nason (CAN) di 2026. Djogu inagural ta kontisi dia 16 di marsu, frenti Gana, na aranki di Grupu D, na Marroku.
Sugundu kalendáriu divulgadu pa Konfederason Afrikanu di Futibol (CAF), kabu Verdi ta volta entra kampu dia 21 di marsu frenti di Mali. Fasi di grupu ta finda dia 24 di marsu, ku konfrontu frenti Kamaron.
Sileson nasional ta fika na sidadi di Fez, na nordesti di Marroku. Grupu D é formadu pa Kabu Verdi, Gana, Mali i Kamaron, num kompitison ki ta djunta 16 sileson afrikanu divididu na 4 grupu.