Kâmara Munisipal di Sal prisenta ofisialmenti Gala Sal Campeão 2025, konsideradu maior eventu di rekonhesimentu di méritu desportivu d’ ilha. Serimónia ta kontisi es sábadu dia 31 di janeru, pa 7 i meia di noti , na Santa Maria.
Sugundu vereador di Desporto, Euclides Silva, gala ta distingui époka desportivu 2024/2025 i ta konta ku 2 kategoria: base, ku votason, i prestígiu, dedikadu pa omenagi institucional. A tudu , ta dadu 24 prémiu entri 58 nomiadu.
Ku lema “Honrando Campeões, Inspirando Gerações”, objetivu d’inisiativa é valoriza sforsu i dedikason d’agenti disportivu ki ta kontribui pa disenvolvimentu di disportu na munisípiu. Keli é Kintu idison d’eventu.