Artista plástiku Sidney Cerqueira teni abertu ti dia 20 des mês, xpusison Liberdades, na Galeria de Arte Tutu Sousa, na Praia.
Mostra ta djunta obra ki ta rifleti sobri konseitu di liberdadi di xprison, direitu humanu e luta kuletivu pa dignidadi, justisa e imansipason.
Artista plástiku ta xplika ki, através dum linguagi visual intensu e xpressivu, é ta konbida públiku pa fazi riflexon prufundu sobri dsafiu susial e pulitiku di mundu kontempurâniu, prinsipalmenti na kontextu afrikanu e na diáspora.