Assusiason di Santanton dja divulga planu d’atividadi pa 2026, ki ta kumesa apartir di mês di Marsu, ku passiata dentu di kumimorason di Dia Internasiunal di Mudjer.
Planu ki ta trimina na mês di Dizembru, ta inklui na mês di Abril um ason di formason pa siklista e um prova kumimorativu di Dia di Siklista.
També na mês di Maio sta privistu um prova di BTT (Bisikleta Tudu Terrenu) na Alto Mira.
Na mês di Junhu, Assusiason Regiunal di Siklismu teni prugramadu kampionatu regiunal e prova pa silebra Dia Internasiunal di Kriansa e festa di Son Jon, santu prueru di Porto Novo.
Inda sta privistu, prova di Dia di Munisipiu di Porto Novo, na mês di agosto, prova BTT Ribeira das Patas e Ribeira da Cruz na Otubru e Nuvembru.