Sábadu Hino di Kabu Vêrdi obidu na Polónia duranti Kampiunatu Internasiunal di Dança na Kadêra di Roda.
Titico Pires gánha midalha di Ôru na katiguria freestsyle single man classe 2.
Dupla Miriam Medina e Fávio Gonçalves tambê gánha midalha di Ôru na katiguria freestyle combi 2.
E na katiguria freestyle single man class 2 Flávio Gonçalves gánha midalha di Prata.
Tambê êss fim di simana Hino Nasiunal obidu na Canárias – kabu-verdianu Danilson Pereira gánha midalha d’Ôru na kumpitisôn di Atletismu di Artenara Trail na katiguria di 16 kilómetru.
Na 3º lugar di mésmu katiguria fika ôtu kabu-verdianu: Joaquim Fortes .
Rapazinhu di Santa Katrina, Danilson Pereira korta meta ku tempu di 1 hora, 23 minutu e 43 sugundu. E Joaquim Fortes kompleta prova na 1 hora, 29 minutu e 14 sugundu – dôs minutu a más ki spanhol Alberto Gonzalez, ki fika na 2º lugar.
Kabu-verdianu Wilson Cabral ki staba ta kumpiti na 30 kilómetru staba ta lidêra prova quando ê lesiôna e ê têvi ki para.
E kelotu atleta kabu-verdianu, Gil Fortes, ki tambê kumpiti na 30 kilómutru fika na pusisôn 53.
Pa êss anu inda ikipa di Emicela tem progranadu partsipasôn na ôtus três prova internasiunal: Águas de Terror, na Canárias; Grande trail di Serra d’Arga, na Purtugal; e Haria Extreme di Lanzarote tambê na Canárias.
https://www.facebook.com/jamiradias/videos/10155578574748616/
https://www.facebook.com/artenara.trail/videos/1577441219045724/UzpfSTEwMDAwODM2MDkyOTQxMzozMDYwNjExMjk0OTk0MTQ6MTA6MDoxNTMwNDI4Mzk5Oi0yMTA2NDYxNzYxMzM0ODA5MzQ3/