Poi Beat é nomi di trabadju ki ta trazi 15 músika na stilu rap, trap e drill num fuson ku batuku, gaita e guitarra.
Rislene ki kumesa si karrera na Youtube, undi é lansa susessu sima, Tristi Vida, Tempo Dura, Consedju di Mana, foi Artista Rivelason na 14º idison di Cabo Verde Music Awards.
Kabu-verdiana di 25 anu, grava si disku di streia entri Portugal, Kabu Verdi e França. Trabadju ta trazi músika Desisti, Ko Kai num duetu ku kantor portugues Richie Campbell, Nha Kubiku, Nha Dignidade, Sodade, entri otus.
Rislene Semedo ki ta vivi na França é kontratada di Sony Portugal, ki tem kuidadu di si karrera. Artista sta nomiadu pa CVMA 2026 na katiguria Midjor Interprete Feminino.