José Vieira Duarte mas konxedu pa Djosinha morri es sexta-fera (05), na Sonvisenti, doz dia dipôs di risebi alta di ospital Baptista de Sousa, undi é staba internadu.
Kantor di 92 anu, kumesa si karrera di mas di 70 anu, ku seti anu di idadi na antigu Cine Éden Park pa insentivu di guitarrista Olavo Bilac.
Djosinha, distaka na grupu Voz di Cabo Verde ki atua na país sima, Holanda, Portugal, Angola, Espanha e otus parti di mundu.
Na si karrera a solo, é dexa 17 trabadju iditadu entri LP e CD e també é kanta na diferenti palku di kabu Verdi e na strangeru.
Duranti 42 anu, Djosinha foi locutor di Rádio Globo, na Merka, undi é vivi pa munti anu.