Seleson di Kabu Verdi di futebol impata onti ku Uruguai 2-2, na sugundu djogu di 1º jornada di Mundial 2026.
Dipôs di impata ku Espanha, Tubaron Azul suprendi timi di sul-merkanu ku golu di Keven Pina na 21 minutu di djogu.
Antis di fim di 1ª parti, Uruguai marka doz gol pa Maxi Araújo e Agustín Canobbio e timi nasiunal sai pa intervalu ta perdi pa 2-1.
Na 61 minutu di djogu, num perda di bola pruvetadu pa kabu-verdianu Hélio Varela, Kabu Verdi impata djogu ki trimina 2-2.
Tubaron Keven Pina foi ileitu omi di djogu. Kabu Verdi ta djuga ultimu djogu di 1º jornada di mundial dia 26 des mês kontra Arábia Saudita.