Viagem pa Stória é prumeru iventu di rikriason di stória ki sta prisentadu di 28 ti 30 di Sitembru, na Fortaleza di Son Filipe, na Cidade Velha. Inisiativa é di Ministériu di Kultura.
Além di stória, kultura e involvimentu ku kumunidadi, iventu tambê ta kontribui pa kria postu di trabadju e maior dinâmika na sítiu stóriku.
Ku tema Na Bersu di Kriolizason, pa es 1º idison sta rikriadu três di kes mumentu markanti di stória di Kabu Verdi: Chegada di Jesuítas, Ataque di Pirata Jacques Cassard e Fuga di Skravu.
Koordenason e priparason é ku bailarinu e koreográfu Mano Preto, ativista kultural Gamal e investigador e kontador di stória, Gil Moreira.