Kâmara di Praia stá bem invisti mil e 200 kontu pa realiza pruméru idisôn di Praia Beach Games: kompostu pa munti atividadi disportivu e rekriativu, pa adultu e mininu.
Atividadi stá bem kuntisi na Praia di Gamboa di 29 di Julhu ti 26 d’Agosto na Andebol, Voleibol, Futebol, Basquetebol, Foot-volley, Ténis, Rugby e alguns Mudalidadi Náutiku.
Inskrisôn stá abertu, na Parki 5 di Julhu, ti dia 25 dêss mês e tudu bairro podi partsipa – organizasôn ta spera partisipasôn di 500 atleta na tudu mudalidadi.
Tambê djá aprisentadu maskoti di jogos di Praia: um katxôrinhu ki txôma Bolinhas – eskolha di kel animal li ê tambê pa txoma atensôn sobri problema di katxorr abandonadu na kapital.