Oji t’assinaladu 94 ánu di nasimentu di Amílcar Cabral e tambê ê dia di nasiunalidadi kabu-verdiana.
Canta Cabral e Resistênsia ê um konsértu markadu pa ês nôti na palásiu di kultura ildo lobo pa rikôrda Amílcar Cabral.
Kês kombidadi ê: Mário Lúcio, Ana Lisboa, Teresinha Araújo, Soren Araujo, Body, Alberto Koening, Vera Cruz, Fatú Djakité, Mano Preto, Totinho, Binga, Nhelas e Eric Tavares.
Duranti konsértu Mário Lúcio ta kanta um inéditu ki txôma Hino a Gratidão.
Organizadu pa Fundação Amilcar Cabral, ta fazi parti di eventu tambê um dibati sobri atualidadi di pensamentu di Cabral. Kel dibati li stá previstu pa manhãn.
Amílcar Lopes Cabral nánsi dia 12 di Setembro di 1924 na Bafatá, Guiné-Bissau, fidju di kabu-verdianu.
Ê funda Partido Africano da Independência da Guiné e Cabo Verde (PAIGC), ki luta paindependênsia di tudu dôs país e ê assassinadu dia 20 di Janêru di 1973, na Conacri.